Киев и Харков во чад; Париз: Може да има европска војна; Ердоган: Благодарам Путин

Специјалната операција на руските вооружени сили во Украина трае веќе дваесет и два дена.

Преговорите меѓу делегациите на Русија и Украина продолжуваат и денеска. Повеќе од три милиони луѓе ја напуштија Украина.

Според американските медиуми, се очекува претседателот на САД, Џозеф Бајден, да објави нова одлука на американската администрација за испраќање воена помош за Украина.

Москва вели дека статусот на Украина, како оној на Австрија и Шведска, ќе се смета за компромис и дека „некои од формулациите на договорот се блиску до договор“. Од друга страна, Киев бара безбедносни гаранции од своите сојузници.