ЛУКАШЕНКО ДО ПОЛСКА: Дали разбирате дека ако го направите тоа ќе отпочне трета светска војна?

Претседателот на Белорусија Александар Лукашенко го критикуваше предлогот на Полска да испрати западен мировен контингент во Украина и предупреди дека тоа ќе значи Трета светска војна.

– Гледате, овие луди Полјаци веќе предлагаат тој (американскиот претседател Џозеф Бајден) да биде повикан од другата страна на океанот и да почне да го охрабрува: ајде да формираме мировна мисија од 100.000 војници и да ја донесеме во Украина преку Лавов. Дали сфаќате дека ова е Трета светска војна? Што мислите, во тој случај ќе останеме невини – рекол Лукашенко, а пренесува Спутник.

Претходно министерот за надворешни работи на Русија Сергеј Лавров изјави дека постои можност Полска да сака да се етаблира на западот на Украина и потсети дека полските власти нагласуваат дека е неопходно да се испратат мировници на НАТО во Украина.

Според полските медиуми, засега во Варшава има сериозно несогласување меѓу владата и претседателот, бидејќи претседателот Дуда е подготвен да го прифати овој проект само доколку Американците дадат „зелено светло“.

(Печат)