Полска ги стресе гаќите! – Го градат „Кинескиот ѕид“ кон Белорусија

Полска досега зајакна околу 60 километри од границата со Белорусија со постојана ограда, соопшти полската граничари.

Работите се одвиваат според планот и се очекува да завршат до крајот на јуни, изјави за агенцијата ПАП портпаролката на граничната полиција.

Полската граница со Белорусија е долга 418 километри, од кои 186 километри се копнена граница.

Кон крајот на летото и есента минатата година, ситуацијата таму ескалира, бидејќи неколку илјади луѓе се обиделе илегално да влезат во ЕУ.

ЕУ го обвинува белорускиот претседател Александар Лукашенко дека намерно носи мигранти од кризните подрачја со цел да изврши притисок врз ЕУ.

Бројот на нелегални обиди за преминување на границата во претходните недели е зголемен, бидејќи доаѓаат потопли денови, пренесе Хина.

Во петокот 76 лица се обиделе да ја поминат границата, според податоците на граничната стража, а војниците подигнале привремена ограда покрај патот – се работи за бодликава жица висока 2,5 метри.