Ќе пукне ли на балканот? За што се подготвува НАТО? 4.600 војници во близина на Србија

Во Северна Македонија започнува голема воена вежба на која учествуваат околу 4.600 припадници на вооружените сили на САД и сојузниците.

Вежбата, како што се наведува, започнува на 12 мај на полигонот Криволак . Целта е да се проверат силите на НАТО во случај украинската криза да се прелее на Балканот или во Источна Европа.

Според порталот Балканска безбедносна мрежа, вежбата наречена „Брз одговор 22“ започнува со слетување на засилен баталјон од американската 173. падобранска бригада на Криволак.

На вежбата, освен американски војници, ќе учествуваат и припадници на вооружените сили на Северна Македонија, Велика Британија, Италија, Франција, Црна Гора, Албанија и Грција.

„Сенката на војната во Украина е силна и повеќе нема политички еуфемизми во објаснувањата за сценаријата на вежбата. „Јасно е дека ова е проверка на НАТО во случај да треба да се вклучи на Балканот или на истокот“, се вели во текстот.

Предвидено е ангажирање на 45 авиони и хеликоптери, околу 1.800 падобранци и заштита на борбени авиони.