ДАЛИ ЌЕ ПОЧНЕ НАСКОРО: Кинеската армија се подготвува за најлошото сценарио

Како што се зголемуваат тензиите во Тајванското Море, Народноослободителната армија на Кина ќе го примени најлошото сценарио за време на вежбите, пишува кинеското издание на Глобал тајмс.

„ Јапонија и Соединетите Американски Држави ги разгледуваат плановите да интервенираат во Тајван со воени средства, така што ПЛА ќе спроведе повеќе вежби врз основа на најлошото сценарио“, рече кинескиот воен експерт кој сакаше да остане анонимен.

Изворот на публикацијата наведува дека кинеската армија неодамна извршила три големи вежби на островот Тајван, што е „реткост во последните години“.

Друг воен експерт, Сонг Жонгпинг, нагласи дека сега кинеската армија не само што издава предупредувања, туку е ангажирана и во практични подготовки за воен конфликт, што веќе не изгледа невозможно.

Портпаролот на кинеското Министерство за надворешни работи Жао Лиџијан во средата рече дека американската поддршка за сепаратистичките сили во Тајван може да го доведе островот во опасност .

Тој истакна дека „Соединетите Држави постојано преземале активности за прашањето на Тајван, велејќи едно, а правејќи друго, тајно и отворено ги охрабруваат и поддржуваат силите за независност на островот, што може да го доведе Тајван во опасна ситуација и самите Соединетите држави може да се соочат со сериозни последици“.