„Се обидов, но НЕ УСПЕА“ Ангела Меркел проговори за војната во Украина, една работа нема да му се допадне на Киев
За време на телевизиско интервју со германскиот писател и новинар Александар Осанг , Меркел зборуваше за војната во Украина и неуспехот да се спречи актуелната ситуација за време на нејзиниот мандат како канцелар.
– Голема е тагата што не успеа, но не се обвинувам себеси што не се обидов – рече Меркел, зборувајќи за договорот од Минск со Русија од 2014 година.
Меркел, исто така, рече дека нема оправдување за руското „брутално непочитување на меѓународното право“ во Украина, додавајќи дека е против влезот на Украина во НАТО, бидејќи сака да спречи понатамошна ескалација со Русија и смета дека Украина не е подготвена за такво членство.
Таа додаде дека не гледа смисла во нејзиното посредување во конфликтот во Украина, ниту Киев и се обратил со барања.