„Ќе ја победеле Русија? Ајде Нека се обидат! Многумина веќе се пробале…“

Портпаролката на руското Министерство за надворешни работи Марија Захарова ги коментираше последните антируски изјави на британската министерка за надворешни работи Лиз Трус.

„Неколку пати ги коментирав антируските изјави на Лиз Трус, кои се секогаш болно агресивни, карактеристични со национализам, особено русофобија“, рече Захарова и додаде:

Сега, влегувајќи во трката за позицијата шеф на владејачката Конзервативна партија и обидувајќи се да ги реализира своите незапирливи амбиции, таа и се заканува на нашата земја и сака да постигне „победа на Украина“ над Русија.

„Ова е очигледно мегаломанија на политичар од втор ред. Сето ова се прави наместо да се решаваат проблемите на сопствената држава, а ги има многу“, додаде таа.

„Целата серија празни слогани на разбеснетата Лиз Трас јасно покажува дека таа всушност или не може да ги види сериозните кризни феномени во економијата и внатрешната политика на земјата чија влада се обидува да ја води, или едноставно не знае како да ги надмине, па таа се обидува да го сврти вниманието на гласачите . Во секој случај, јасно е дека благосостојбата и животниот стандард на обичните Британци не се меѓу нејзините приоритети“, изјави портпаролката на руското Министерство за надворешни работи.

„Можеме едноставно да одговориме на воинствените напади на актуелната шефица на Форин Офисот, која претпочита возење со тенкови отколку сериозна дипломатија, за нејзината решеност да ја победи Русија – нека се обиде! Во текот на вековната историја на нашата земја, многумина веќе се обиделе. Како што знаете, паметните луѓе учат од грешките на другите“, заклучи Захарова.

Почитувани читатели, на нашиот Telegram канал можете да ги следите нашите најдобри вести како и оние кои не ги објавуваме на други мрежи поради специфична содржина