Шаќири: Јас кога поведов постапка против колега кој не се појавуваше на работа ме разрешија без збор образложение и ме пријавија за мобинг

Поранешната директорка на Театар Комедија Нора Шаќири Марковиќ ја споредува ситуацијата во Комунална хигиена, со нејзиниот случај кога таа беше разрешена од позицијата директор без збор објаснување затоа што повела постапка против колега кој не се појавувал на работа.

„Јас кога поведов постапка ( не му врачив отказ) против колега кој не се појавуваше на работа без една буква образложение секако бев разрешена и пријавена за вршење мобинг.
И по раскинувањето на договорите на овие кои не знаат ни каде работат од комунална, а вакви за жал има секаде можам да заклучам уште еднаш дека земјичево ни е плодна почва за НЕРАБОТНИЦИ, а не за работници.
Неработниците на ,,работа” со плата ,а работниците дома без плата“, пишува Шаќири на фејсбук.