СЕ БАРА ОСТАВКА НА ВЛАДИМИР ПУТИН! РУСКИТЕ ОПШТИНИ ЈАВНО ГО КРЕНАA ГЛАСОТ: „Тој и штети на Русија и нејзините жители“
Претставниците на Москва и Санкт Петербург јавно побараа оставка од рускиот претседател Владимир Путин.
Осумнаесет општински претставници на Москва и Санкт Петербург бараат оставка од Владимир Путин . Тие потпишаа јавна изјава во која бараат Путин да поднесе оставка.
„Ние, општинските претставници на Русија, веруваме дека постапките на претседателот В. Путин и штетат на иднината на Русија и нејзините граѓани. Бараме оставка на Владимир Путин од функцијата претседател на Руската Федерација! “, се вели во соопштението.
Масовното незадоволство доаѓа откако беше објавено дека Русите изгубиле голем дел од своите позиции во Украина, кои ги контролираа со месеци. Украинскиот претседател синоќа изјави дека, само од почетокот на овој месец, украинската армија вратила 6.000 квадратни километри окупирана територија.
Украинската страна тврди и дека воената команда на Руската Федерација престанала да испраќа нови единици во Украина по драматичната украинска контраофанзива која ја преобликува војната и ја остави Москва потресена. Русија призна дека ги изгубила клучните градови во североисточниот регион Харков. Москва го опишува своето повлекување на војниците од регионот во последните денови како прегрупирање со цел да се фокусира на регионите Луганск и Доњецк во источна Украина, но тврдењето беше исмејувано дури и во Русија.