„Вашингтон пост“: Планот на ЕУ за замена на руската нафта ќе и донесе на Русија уште повеќе пари

Планот на Западот против извозот на руска нафта само ќе доведе до тоа Москва да добие уште повеќе пари, пишува американскиот весник „Вашингтон пост“. 

Западното ембарго за увоз на руска нафта по морски пат доведе до катастрофални последици за глобалната економија. Сепак, тоа не влијаеше на обемот на извозот на „црното злато“ од Руската Федерација, бидејќи Москва едноставно ги пренасочи испораките.

„Поголемиот дел од руската нафта се пренасочува кон Индија и Кина. Сепак, ова може да доведе до значително зголемување на трошоците за енергетски транспорт на Русија“, се наведува во публикацијата.

Од друга страна, Европа ќе мора да увезува нафта од далеку – преку Атлантикот, Западна Африка и Персискиот Залив. Ова несомнено ќе предизвика промена во насоката на светските текови на нафта, што ќе има негативно влијание врз пазарите на танкери и ќе го зголеми притисокот врз цената на нафтата.

Како резултат на тоа, светската економија ќе биде уште повеќе ослабена, а Руската Федерација ќе добие уште повеќе пари од извозот на енергетски ресурси.