РУСИТЕ ЈА ПРЕЗЕДИЈА КОНТРОЛАТА НА СЕЛОТО БАХМУЦКО: Важно стратешко место конечно е во рацете на Москва, Зеленски испрати засилување

Руските сили ја презедоа контролата врз населбата Бахмутско во самопрогласената Народна Република Доњецк (ДНР), соопшти денеска штабот на Територијалната одбрана на ДНР.    

– Од 9 јануари 2023 година Бахмутско е под контрола на руските сили во Доњецката Народна Република – се наведува во соопштението, пренесува ТАСС.  

Селото Бахмутско се наоѓа јужно од Соледар , во близина на градот Артјомовск , кој во Украина се нарекува Бахмут.    

Украинскиот претседател Володимир Зеленски синоќа изјави дека украинската армија ги одбива руските напади во градот Бахмут во источниот дел на регионот Донбас и ги задржува своите позиции во блискиот град Соледар, но во „многу тешки услови“ . Тој најави дека во тек се подготовки за трансфер на дополнителни сили од командата на вооружените сили на Украина под Соледар и Бахмут.