Девојка ги шетала своите миленици, НАПАДНАТА И УБИЕНА ОД ГЛУТНИЦА КУЧИЊА
Осум кучиња се запленети на местото на нападот во Сари, Англија, откако млада жена беше пронајдена мртва во четвртокот.
– Ова е трагичен инцидент во кој за жал животот го загуби млада жена. Нашите мисли се со семејството и пријателите. Семејството побара приватност во овој тежок момент – изјави истражителката Џозефин Хорнер.
Таа истакна дека специјалистички полициски екипи извршиле форензички работи на местото на настанот и дека областа е повторно отворена за јавноста.
– Знам дека овој инцидент предизвика загриженост на локално ниво. Службениците на локалниот тим ќе бидат на терен за да ги уверат жителите дека се безбедни. Истрагата за околностите на овој инцидент продолжува и барам секој што има информации што не разговарал со полицијата да не контактира – изјави Хорнер.