ОВА Е ПЛАНОТ НА ПУТИН ОД КОЈ СИТЕ СЕ ПЛАШАТ: За неполни 20 дена ќе започне ПЕКОЛОТ, чиј каков е невиден ниту една ДОСЕГАШНА војна!

За нешто повеќе од 20 дена, војната во Украина би можела да достигне голема пресвртница.

Имено, се очекува на првата годишнина од војната, на 24 февруари, Русија да започне голема офанзива, се со цел да ги освои стратешките градови околу кои со месеци се водат исцрпувачки крвави битки .

Се претпоставува дека кампањата ќе има две цели – освојување на Бахмут и воспоставување целосна контрола над Доњецк и Луганск.

На ова предупредува украинскиот министер за одбрана Олексеј Резников, кој тврди дека Русија подготвила илјадници војници и дека би можела да „проба нешто“ за да ја одбележи годишнината од почетокот на војната.

Новата офанзива на тој ден би го одбележала и рускиот празник на бранителите на татковината 23 февруари, кој е посветен на руската армија. Резников рече дека Москва подготвила мобилизација на околу 500.000 регрути за потенцијална офанзива.

Во септември минатата година рускиот претседател Владимир Путин најави мобилизација на околу 300.000 резервисти за војната во Украина, наведувајќи дека мобилизацијата е потребна за „зачувување на територијалниот интегритет“ на Русија. Сепак, Резников сугерира дека реалниот број на мобилизирани би можел да биде значително поголем.

Официјално објавија 300.000, но кога ги гледаме силите собрани на границите, проценуваме дека тоа е многу поголема бројка“, рече Резников.

Пред неколку недели, руската армија успеа да го заземе Соледар, град кој се наоѓа во близина на Бахмут, по неколкумесечни препукувања во тоа место. Сепак, тоа не е доволно.

Ова би можело да се смета за делумна победа, со оглед на тоа што во изминатите неколку месеци не се приближуваше кон главната цел – Бахмут.

Овој град претставува важна точка за руската армија, која би можела да го претвори во голем команден центар, од каде може да дистрибуира опрема, оружје и храна на своите војници во други градови и области.

Исто така, воените аналитичари сугерираат дека рускиот план најверојатно ќе го опколи градот со тактичко напредување на север и југ. Преземањето на градот, иако има ограничена оперативна вредност, потенцијално ќе и овозможи на Русија да ги загрози поголемите урбани области како што се Краматорск и Славјанск.

Дополнително, кога Русите ги освоија блиските градови Северодонецк и Лисичанск на почетокот на летото, следен требаше да биде Бахмут. Тој сон досега не е остварен, иако паравоената формација „Вагнер Евгениј Пригожин“ не избира средства за нејзино освојување, претворајќи го овој град во крвава кланица.

И конечно, освојувањето на Бахмут ќе го олесни понатамошното продирање и ќе го отвори патот за воспоставување целосна контрола над Доњецк и Луганск.

Може ли Украина да возврати?

Сепак, украинската контраофанзива исто така се смета за веројатна долго време.

Украинскиот министер за одбрана изјави дека украинските команданти ќе имаат задача „да го стабилизираат фронтот и да се подготват за контраофанзива“ пред очекуваната руска офанзива.

„Верувам дека оваа година ќе биде година на нашата воена победа“, рече Резников, додавајќи дека украинските сили „не смеат да ја изгубат иницијативата“ што ја имаа во последните месеци.

За таа цел, Резников ја посети Франција за да постигне договор за купување на дополнителни радари за противвоздушна одбрана МГ-200, кои според него „значително ќе ја зголемат способноста на вооружените сили за откривање воздушни цели, вклучувајќи балистички ракети и разни беспилотни летала“.

Тоа значи дека и Киев и Москва ќе бидат подготвени да го пречекаат 24 февруари.