ЦРНИ ПРОГНОЗИ: Разорниот земјотрес во Турција и Сирија се проценува дека однел најмалку 10.000 животи?
Се стравува дека најмалку 10.000 луѓе загинале во двата разорни земјотреси што рано утринава ги зафатија Турција и Сирија.
Со оглед на неповолните временски услови, температурите кои вечерва ќе бидат околу нулата, спасувачите водат очајна трка со времето за да стигнат до што е можно повеќе преживеани кои беа затрупани под урнатините.
Освен што се евентуално повредени, им се заканува и опасност да умрат од задушување пред да им стигне помош.
Во деловите од земјава погодени од земјотресот врне дожд, а на места и лапавица.
Поради хуманитарната криза се очекува бројот на жртви значително да ги надмине сегашните 2.400. Американскиот геолошки институт предупреди дека ситуацијата може да се влоши и дека бројот на жртвите од земјотресот може да достигне 10.000.
Некои жртви затрупани под урнатините повикуваат на помош, а некои дури и се огласуваат на социјалните мрежи.