Илон Маск го прогласи Мајдан 2014 во Украина за државен удар, Киев реагира луто

Настаните што се случија во Украина во 2014 година беа државен удар, изјави вчера Илон Маск. „Изборите беа сомнителни, но нема сомнеж дека тоа беа државен удар“, напиша тој на Твитер.

Повод за неговите зборови е написот на професорот Џон Меаршајмер, во кој тој тврди дека соборувањето на украинската влада го исцрпило трпението на рускиот претседател Владимир Путин.

Реакција од Киев

„Слободните општества влијаат врз државите преку дијалог/избори. Поробените општества излегуваат на улица за да се ослободат од репресивните држави. Ова е основата на Слободата. Никогаш немало пуч во Украина, но секогаш имало слободни луѓе. Престанете да читате руски весници “, напиша Михаило Подолијак, советник на украинскиот претседател Зеленски, кој очигледно не обрнал внимание дека Маск цитира статија од американски професор.

Авторот на статијата е професор по политички науки на Универзитетот во Чикаго, каде што предава од 1982 година. Специјалист за меѓународни односи, автор на шест книги и бројни статии, како во научни публикации, така и во „Фајненшл тајмс“ , „Њујорк тајмс“, „Економист“ и други.

Хронологија

На крајот на 2013 година започнаа протести во центарот на Киев, чии организатори го обвинија украинскиот претседател Виктор Јанукович дека одбил да потпише договор за асоцијација со ЕУ. Во текот на повеќемесечниот собир, радикалите поставија шаторски камп, зазедоа неколку административни згради и влегоа во отворена борба со органите на редот. 

Конфронтацијата кулминираше со настаните од 18 до 20 февруари 2014 година, кога имаше и пукање од неидентификувани снајперисти. Загинаа околу 100 луѓе, а жртви имаше и меѓу војниците од специјалните сили.

Ноќта на 22 февруари, демонстрантите го зазедоа владиниот кварт и шефот на државата беше принуден да го напушти Киев. Радата донесе резолуција со која се прогласува дека Јанукович се повлекол од вршењето на уставните овластувања, иако тој рече дека нема намера да поднесе оставка.