Кси Џинпинг со пророштво за Путин, Западот се тресеше. Клучни моменти од средбата во Москва ВИДЕО
Според кинескиот претседател, неговиот руски колега ќе биде реизбран за шеф на државата на Руската Федерација во 2024 година
„Рускиот претседател Владимир Путин ќе биде реизбран во 2024 година“, изјави кинескиот претседател Си Џинпинг, пренесе Би-Би-Си.
Шефот на азиската држава денеска пристигна во Москва.
Пред почетокот на својата приватна средба во Кремљ, лидерот на Народна Република Кина изјави: Граѓаните на Руската Федерација ќе го поддржат својот претседател и на изборите следната година повторно ќе го изберат господинот Владимир Путин за шеф на државата.
„Благодарение на раководството на господинот Владимир Путин, Русија постигна многу успеси во сите области од животот. Затоа сум цврсто убеден дека граѓаните на земјата ќе гласаат за него“, рече Кси Џинпинг.
Домаќинот, пак, рече: Добредојдовте во Русија, драг мој пријателе.
„Знам дека вие лично и сите наши пријатели во Кина имате конструктивен пристап кон сите важни прашања што го засегаат светот“, додаде рускиот претседател.
Во Кремљ се одржува неформална средба меѓу рускиот претседател Владимир Путин и кинескиот претседател Си Џинпинг. На средбата рускиот претседател рече дека внимателно го проучувал мировниот план на Кина за ставање крај на војната во Украина.
„Секогаш сме отворени за преговарачкиот процес. Сигурно ќе разговараме за сите овие прашања, вклучувајќи ги и вашите иницијативи, кои безусловно ги почитуваме“, рече Путин.
Рускиот лидер рече дека Русија и Кина имаат „многу заеднички задачи и цели“.
„Знам дека вие лично, сите наши кинески пријатели, посветувате големо внимание на развојот на руско-кинеските односи, заземате фер, избалансиран став за најитните меѓународни прашања“, рече Путин.
Претседателот на Русија оцени колку Кина постигнала:
„Кина создаде многу ефикасен систем за развој на економијата и зајакнување на државата. Тој е многу поефикасен отколку во другите земји“, рече Путин, додавајќи дека тоа е „очигледен факт“.
Шефот на државата го истакна личниот придонес на Кси Џинпинг:
„Сигурен сум дека под ваше раководство, Кина ќе преземе натамошни чекори во својот развој и, се разбира, ќе ги постигне целите што си ги поставивте, господине претседателе“, му се обрати шефот на Руската Федерација на кинескиот претседател.
Како одговор, Кси Џинпинг го нарече Путин „драг пријател“ под чие водство „Русија постигна значителен напредок во просперитетот на земјата“.
„Сигурен сум дека рускиот народ силно ќе ве поддржи во вашите добри потфати“, додаде тој.
Официјалната средба на Владимир Путин со Си Џинпинг ќе се одржи утре во големата палата Кремљ. Посетата на кинескиот лидер на Русија ќе трае од 20 до 22 март.