Ибрахими: Нема 90 % Македонци, за да се примени хрватскиот устав – Бараме редифинирање РМ да биде „држава на македонскиот и албанскиот народ“
„За да се спроведе моделот на Уставот на Хрватска, * Македонија треба да биде држава со мнозинство од 90 отсто Македонци. Хрватска има 90.4 отсто Хрвати.“ – вели Зеќирја Ибрахими, генералниот секретар на албанската партија Алтернатива и научен советник во Институтот за културно и духовно наследство на Албанците во Македонија, во објавата насвојот фејсбук-профил.
Ибрахими натаму пишува: Со 54 проценти Македонци и 30 проценти Албанци најмногу што може да направи * Македонија е да го спроведе моделот на Белгија, со која имаме демографски сличности. Ако Белгија изгледа како далечна, тогаш може да го земе моделот на Косово, каде што имаме чисто граѓанска држава.
Во својата претходна објава на фејсбук Ибрахими изнесува дека Алтернатива ќе бара, ако се менува преамбулата на македонскиот Устав, тогаш да се редефинира државното устројство на Македонија и таа да стане двонационална држава, односно како „држава на македонскиот и албанскиот народ и на етничките заедници“. Алтернатива предложува и втор модел за редефинирање на Македонија: како „држава на сите свои граѓани“, со отфрлање на сите етнички белези.