Застрашувачко предвидување на руски полковник: украинските војници ги живеат последните денови
Вооружените сили на Украина имаат уште неколку дена да преживеат, изјави поранешниот специјалец, разузнавач, учесник во конфликтот во Авганистан, пензионираниот полковник Анатолиј Матвијчук, истакнувајќи дека нема кој да ги контролира.
„Војниците на фронтот ги живеат последните денови. Тие практично не се управуваат. Сè уште не е јасно каде се нивните команданти. Командантот на копнените сили на вооружените сили на Украина Олександр Сирски и врховниот командант на вооружените сили Валериј Залужни. Претпоставувам дека се уапсени и некаде во зандана, бидејќи не ги почитувале одлуките на украинскиот претседател Володимир Зеленски. Ситуацијата е доста комплицирана“, изјави Анатолиј Матвијчук.
Тој истакна дека вооружените сили на Украина се свесни што ги чека во случај на офанзива. „Им покажавме што ќе се случи понатаму. Неколку наши превентивни удари и тие престанаа. Зеленски не може да контролира машина која навистина се распаднала и не го слуша. Но, може и утре да нареди контраофанзива“, потенцира соговорникот Матвијчук.
Претходно на социјалните мрежи кружеше информација за можната смрт на Залужни. Заменик-министерот за одбрана на Украина, Ана Маљар, ги демантираше овие гласини. Во исто време, самиот врховен командант на вооружените сили на Украина одби да учествува на состанокот на Воениот комитет на НАТО дури и во видео формат, наведувајќи ја тензичната ситуација во Украина.
Поранешниот пратеник на Рада, Илја Кива, не исклучи дека Зеленски може да се ослободи од него.