САД збунети: Обединетите Арапски Емирати со Русија – Договор со Москва за одбрана и трговија

Претседателот на Емиратите Мохамед бин Зајед ал-Наџан ги зајакна односите на неговата земја со Кина и Русија во последните години, додека односите меѓу ОАЕ и Америка се во криза.

Обединетите Арапски Емирати минатата година станаа центар на рускиот капитал, а таа земја, и покрај протестите од Вашингтон, го намали производството на нафта и со тоа и помогна на Русија, пишува Wall Street Journal.

Претседателот на Емиратите, шеикот Мохамед бин Зајед ал-Наџан сега е поканет во Вашингтон, каде што се очекува САД и ОАЕ да постигнат договор за одбрана и трговија, откако заеднички ветија дека ќе инвестираат 100 милијарди долари во чиста енергија.

Истовремено, Емиратите ги продлабочуваат односите со Русија и Кина, кои Америка ги смета за ривали, пишува њујоршкиот весник.

Шеикот Мохамед бин Зајед, попознат како Ем-Б-З (МБЗ) и Емиратите излегоа како победници во геополитичката конкуренција меѓу Западот, Русија и Кина, но не без одредени трошоци. Стратегијата „пријателство со сите“ ги стави на тест односите на Абу Даби со неговиот традиционален сојузник Вашингтон.

Блиски соработници на шеикот Мохамед тврдат дека тој не верува дека блиските односи на Емиратите со САД ја спречуваат неговата земја да ги развие со Русија и Кина. Наместо тоа, тој верува дека тие односи можат да бидат корисни за Вашингтон.

„Не сакаме да бидеме дефинирани со ривалството меѓу големите сили“, рече советникот за надворешна политика на шеикот, Анвар Гаргаш.

На пример, за време на посетата на Санкт Петербург минатиот октомври и средбата со рускиот претседател Владимир Путин, шеикот Мохамед се залагаше за размена на затвореници во која ќе биде вклучена и американската кошаркарка Бритни Грајнер и ја понуди својата помош, според официјални лица запознаени со деталите за состанок.

Осум недели подоцна, Грејнерова беше разменета за рускиот бизнисмен Виктор Бут, кој беше уапсен и осуден во Америка за трговија со оружје.

Американските власти сепак го предупредија лидерот на Емиратите дека премногу блиската соработка – воена и разузнавачка – со Русија и Кина може да ја загрози соработката со САД.