ДУРИ И БУГАРСКИ ВЕСНИК ПРИНАЛ ДЕКА ВО 1903 МАКЕДОНЦИТЕ ХЕРОЈСКИ СЕ БОРЕЛЕ ВО ИЛИНДЕНСКОТО ВОСТАНИЕ, ДУРИ И ВООДУШЕВИЛЕ МНОГУ ЧЕСИ, БУГАРИ, ИТАЛИЈАНЦИ И ОСТАНАТИ ДА ИМ СЕ ПРИДРУЖАТ BO ХЕРОЈСКАТА БОРБА – 1903 г.

Весникот „Реформи”* во август 1903 година пишува дека херојската борба на Македонците со Илинденското востание воодушевила многу млади Чеси, Бугари, Италијанци и припадници на други народи да им се придружат во борбата за слобода. Написот вели:

– „Борбата во Македонија предизвика такво воодушевување во срцата на многумина млади луѓе во странство, што некои од нив беа решиле да ја остават младоста и коските за слободата на херојските Македонци. Такви борци се јавиле од Чешка, од Бугарите во Одеса и од други народности. … Јавуваат од Италија дека некои од италијанските ‘гарибалдиници’ се готвеле да се борат за слободата на Македонија.”

Написот укажува и на сличното воодушевување меѓу Македонците во странство, како на пример некој Македонец во Србија, офицер, којшто ја напуштил воената служба во српската војска за да им се придружи на востаниците.

– „Дури и еден потпоручник од српската армија, родум Македонец, ја напуштил војската и влегол во редовите на македонските востаници“.

ЗАБЕЛЕШКА: *Софискиот весник „Реформи” е орган на тнр. врховисти, т.е. Македонци кои работат за туѓите интереси во Македонија. Гласилото често пишува против македонските национални интереси, а во корист на наци-шовинизмот во Бугарија. Но, весниците и списанијата вообичаено имаат многу автори, па речиси во секое јавно гласило, како тогаш, така и денес, се наоѓаат написи спротивни на политиката и насоките на уредништвото.

Така, овде наоѓаме уште едно сведоштво од врховисти дека македонскиот народ е засебен и се бори за својата национална слобода.

ИЗВОР: „Реформи”, София 16 август 1903 г., бр. 36, стр. 4. —/