Чие е илинденското востание сега?! Француски весник во 1987 година: МАКЕДОНЦИТЕ ЌЕ КРЕНАТ ГОЛЕМ БУНТ

Францускиот журнал за политика и литература „L’Avenir“ објавил статија на 7. март 1897 г. под наслов „Коцката е фрлена“, во која дискутира за напнатата ситуација во Европа настаната со Грчко-турската војна за островот Крит, откако непријателствата на островот започнале предходниот месец.

Написот ги наведува Македонците како засебен народ покрај Грците, Бугарите, Србите, Ерменците и останатите народи.

Статијата се надоврзува на фактот дека додека големите сили вршеле прeговори за прекин на воените дејствија на Крит, највисоките претставници на грчката војска на островот објавиле дека го припојуваат кон Грција.

Статијата известува дека големите сили — Франција, Австро-Унгарија, Обединетото Кралство, Русија и Германија ѝ дале ултиматум на Грција, којшто бил испратен и до султанот Абдул Хамид II, дека тие цврсто стојат на ставот:

(1) Крит во никој случај да не биде припоен кон Грција;

(2) Да се зачува интегритетот на Отоманското Царство, но да се иницираат реформи за да се воспостави автономен режим на Крит со своја влада, кој ќе биде под врховната власт на султанот.

Големите сили ѝ се заканиле на Грција дека доколку во времетраење од шест дена не ги повлече своите војници и воени бродови од Крит, нивниот тогаш создаден Меѓународен поморски eскадрон ќе го бомбардира островот. Меѓутоа, статијата укажува и дека таквиот развој на ситуацијата ќе доведе до разгорување на војната на Балканот при што Македонците речиси сигурно ќе се кренат во борба за својата слобода, а околните народи нема да останат рамнодушни.

– „Додека француските, руските, германските, англиските, итн., бродови ги бомбардираат бреговите со топовски гранати, војната ќе се разгори на Балканот: Грците и Турците ќе се фатат за гуша, па речиси е сигурно дека и Македонците ќе се кренат, а Бугарите, Ерменците, Србите нема рамнодушно и исто да гледаат на конфликтот“.

ИЗВОР: “L’Avenir: Journal de l’Ariège,” Dimanche 7 Mars, 1897, p. 1. —-/