Се подготвуваат првите нуклеарни проби по 30 години – Си-Ен-Ен

Соединетите Американски Држави, Кина и Руската Федерација најверојатно се подготвуваат за првите нуклеарни проби по речиси 30 години, велат експертите со кои разговараше Си-Ен-Ен.

Овој заклучок е направен врз основа на сателитски снимки кои покажуваат зголемена активност на локациите за нуклеарни тестирања во овие три земји: во кинескиот Ксинџијанг, рускиот архипелаг Новаја Земља и во американската пустина Невада.

Во последниве години, во услови на зголемена конфронтација, таму беа изградени нови објекти и беа ископани нови тунели на локациите за нуклеарни тестирања.

„Навистина гледаме многу навестувања дека Русија, Кина и САД би можеле да продолжат со нуклеарните тестирања“, вели Џефри Луис, вонреден професор во Центарот за неширење на оружјето Џејмс Мартин.

Нуклеарни тестови не се извршени од овие земји од потпишувањето на соодветниот договор во 1996 година. Иако САД и Кина никогаш не го ратификуваа.

„Јасно е дека сите три земји инвестираа многу време, напор и пари не само во модернизацијата на нуклеарниот арсенал, туку и во подготовката на активностите што ќе бидат потребни за спроведување на тестирањата“, коментира пензионираниот полковник на американските воздухопловни сили Седрик Лејтон. .

Експертите сметаат дека ова е закана за почеток на нова трка во нуклеарно вооружување во период на криза во односите меѓу САД, од една страна, и Руската Федерација и Кина, од друга страна.