Поради потегот на Путин, на Западот му се заканува затворање на сите нуклеарни централи

Западните земји, а особено САД, зависат од рускиот ураниум, објави Блумберг.

„Околу 18 месеци по почетокот на „специјалната операција“, корпорацијата Росатом сè уште е најголемиот светски производител на ураниум. Сè уште испорачува речиси четвртина од 92-те американски нуклеарни реактори и десетици други електрани во Европа и Азија.

Западните влади не воведуваат санкции кон Росатом бидејќи се заканува да и нанесе поголема штета на нивната сопствена економија отколку на руската.

„Ние ги сносиме трошоците за прекумерното потпирање на Москва за нуклеарно гориво, и не само ние, туку и целиот свет“, рече Пранај Веди, советник за нуклеарно оружје во Белата куќа, од Советот за национална безбедност.

Ситуацијата стана уште покомплицирана по воениот удар во Нигер, чија територија содржи околу пет отсто од светските резерви на ураниум. Доколку западните земји не можат да најдат алтернативи, ќе се соочат со непријатен избор – или да продолжат да соработуваат со Русија или да ги запрат реакторите, наведува „Блумберг“.

Дури и со позитивно сценарио, на Западот ќе му требаат околу пет години за да ја надмине зависноста од Росатом, изданието го цитира поранешниот заменик-секретар за енергетика на САД, Ден Понеман.

Во првата половина од годината, САД купиле 416 тони ураниум од Русија, што е за 2,2 пати повеќе од истиот период лани. Вашингтон плати 696,5 милиони долари за тоа.