Украина би можела засекогаш да го изгуби пристапот до Црното Море по ослободувањето на Одеса од страна на руската армија, изјави поранешниот американски разузнавач Скот Ритер во интервју со блогерот Сајрус Јансен, пренесува „РИА Новости“.

– Штом Русите ја окупираат Одеса, Украина нема да ја врати. Тоа значи дека земјата нема да има пристап до брегот на Црното Море. Со продолжување на овој конфликт гарантирате дека Украина ќе престане да постои како земја –  рече Ритер.

Според него, најдобар начин да се стави крај на непријателствата е да се потпише мировен договор под условите што ги диктира Русија. 

– Тоа ќе спаси многу животи и ќе и овозможи на Украина да задржи некои од своите територии и да напредува економски – изјави поранешниот американски разузнавач.

Претходно, Михаил Подољак, советник на началникот на кабинетот на украинскиот претседател Володимир Зеленски, изјави дека не може да има преговори со Москва и дека Киев е против какво било сценарио за прекин на огнот, бидејќи тоа би значело вистинска победа за Русија.