Болниците и здравствените установи низ Украина доживуваат драстично зголемување на инфекциите поради отпорност на антибиотици во последните недели.
Светската здравствена организација и Центарот за контрола на болести на САД (ЦДЦ) го предупредија Киев дека епидемијата потенцијално претставува закана за целиот свет.
„Ова е криза која бара итна акција, дури и за време на времетраењето на конфликтот, бидејќи слично искуство од другите воени зони нè научи дека предоцна реагирање на опасност од овој тип може да има крајно негативни долгорочни последици не само за локалните цивили, но и за целиот свет“, пишува во отвореното писмо на соодветните институции.
Отпорност на антибиотици
За што всушност се работи? Официјални лица на украинскиот институт за јавно здравје спроведоа истражување во три регионални болници – Трнопоље, Хмелницки и Виница. Од 353 прегледани пациенти, кај 50, односно 14 отсто, испитаниците откриле инфекции кои ги стекнале за време на престојот во здравствените установи.
Од заразените пациенти, дури 60 проценти имале патоген отпорен на широк спектар на лекови. За споредба, пред војната трендот беше околу 6 проценти.
Со прелиминарното откривање на проблемот утврдени се низа недостатоци, од хигиената на рацете на здравствените работници кои ги санираат раните добиени на бојното поле, до „повеќе предизвици“ во опремата на лабораториите и операционите сали. Исто така, проценката за биосигурност е на „потоптимално ниво“.
Во специјален извештај од американското ЦДЦ од август се наведува дека само кај еден украински пациент биле пронајдени дури шест одделни бактерии отпорни на лекови. Светската здравствена организација предупредува дека сметаат дека ваквите инфекции се една од најголемите закани за глобалното јавно здравје. Имено, според податоците од 2019 година, повеќе од милион луѓе ширум светот починале поради тоа.