УКРАИНА СЕ ШОКИРА ОД СТРАШНАТА ВЕСТ ЗА БОЖИЌ: Генералштабот реагираше на наводите дека се убиени 108 војници од Авдијивка, по 1 година тргнале да си ги видат семејствата но не стигнале
Украина на Божиќ ја потресе веста дека повеќе од 100 војници на кои им било дадено седум дена одмор за празникот наводно биле убиени додека се враќале дома.
Вознемирувачката информација во понеделникот на социјалните мрежи ја објави поранешниот советник на украинската влада Виталиј Бала, но главниот штаб на армијата во текот на вечерта ги демантираше наводите.
– Лажни се информациите за смртта на 108 војници од бригадата кај Авдијивка – ја демантираше главниот штаб ваквата информација.
Бала претходно на социјалните мрежи напиша, без воопшто да наведе од каде ја добил информацијата, дека загинале 108 војници од бригадата лоцирана кај Авдијивка и биле пратени дома за празниците.
– Организираа ждрепка за да видат кој ќе оди, а војниците кои не беа извлечени беа многу вознемирени и некои дури побараа да бидат сменети. Никој не се согласил на тоа бидејќи сите сакале да се видат со своите роднини со оглед на тоа што немаат отсуство речиси една година. Сите извлечени влегоа во автобусите и си заминаа, но не стигнаа дома. Да имаше автомобили, можеби немаше да се случи таква тага, но нема пари за автомобили – напиша Бала, кој не прецизираше што точно се случило, ниту дали автобусите со војници биле нападнати од руските сили.
Бала потоа ги обвини властите дека кријат информации од јавноста.
– Не сакав веднаш да напишам што се случи, мислев дека ќе има некакви пораки, дека ќе се жалат на војниците, но немаше… Не знам што треба да се случи за сегашната Владата да престане да ги крие нашите загуби и почна да ги почитува мртвите. Ова не може да продолжи – напиша Бала.
Веста потоа ја пренесоа бројни украински и руски канали на Телеграм.
– Има многу такви загуби на фронтот. Нормалните возила се лесен плен за секоја артилерија и беспилотни летала. Авдијивка е под постојан руски надзор подолго време, како и најблискиот заден центар на овој сектор, Курахово. Најверојатно кон нив бил испратен дрон или проектил. Ова е уште една погрешна пресметка на офицерите на заднината кои не размислуваат за безбедноста на војниците – пренесува украинскиот канал Легитимни.