Наскоро можно откривање на рак на дојка од примерок од плунка

Нов рачен биосензор може да открие биомаркери за рак на дојка од мал примерок од плунка, објавија истражувачите во Journal of Vacuum Science & Technology B.

„Нашиот уред е одличен избор затоа што е пренослив – со големина колку вашата рака – и може повеќекратно“, рече водечкиот истражувач Хсаио-Хсуан Ван, докторант на Универзитетот во Флорида.

„Времето на тестирање е помалку од пет секунди по примерок, што го прави многу ефикасен“, додаде тој.

Уред за откривање на рак на дојка

Уредот користи хартиени тест ленти третирани со специфични антитела кои реагираат на насочени биомаркери за рак, објаснија научниците. Кога примерокот од плунка се става на лентата, импулсите на електрична енергија се испраќаат до точките за контакт на уредот.

Овие импулси предизвикуваат биомаркерите да се врзат за антителата, што го менува излезниот сигнал на електродата доволно за да обезбеди отчитување на ризикот од рак. За споредба, мамографијата, ултразвукот и магнетната резонанца се скапи и бараат големи парчиња опрема и изложеност на мали дози на зрачење.

„На многу места, особено во земјите во развој, напредните технологии како што е МРИ за тестирање на рак на дојка можеби не се лесно достапни“, се вели во соопштението на Универзитетот.

„Нашата технологија е поисплатлива, со тест лента која чини само неколку центи и еднократно печатено коло кое чини пет долари“, додаде Ван.

„Возбудени сме поради потенцијалот за значително влијание во области каде што луѓето можеби претходно немале ресурси за скрининг тестови за рак на дојка.

Уредот обезбедува точни резултати со само една капка плунка, дури и ако концентрацијата на биомаркерот за рак е квадрилионити дел од грамот на милилитар.

Резултатите покажаа дека уредот може да разликува здраво ткиво на дојка, ран и напреднат карцином на дојка користејќи два биомаркери. Уредот е тестиран на 21 примерок од плунка.