Постојаниот претставник на Руската Федерација во ОН, Василиј Небензја, за српските медиуми во Њујорк изјави дека спонзорите на резолуцијата за Сребреница ја претставиле нацрт-резолуцијата како нешто со добри намери, но дека всушност тоа е политички трик чија цел е не меѓуетничко помирување, туку нешто сосема спротивно.

„Разговаравме за нацрт-резолуцијата донесена од Германија и неколку други земји, за геноцидот во Сребреница. Бенигно го претставија како нешто со добра намера. Но, сите знаеме дека тоа е политички трик чија цел не е меѓуетничко помирување како што е претставено, туку нешто сосема спротивно“.

Тоа може да ги зголеми тензиите на Балканот и да има последици какви што предлагачите на резолуцијата можеби не ни ги замислувале“, изјави Небензја по средбата со српскиот претседател Александар Вучиќ.

Небензја нагласи дека Русија нема да ја поддржи таа резолуција, како и многу земји-членки на ОН.

„Оваа резолуција ја отвора Пандорината кутија. Доколку се усвои оваа резолуција, ќе се отвори патот за другите земји кои имаат слични проблеми да излезат со своите проблеми. И можам да ви дадам еден пример“.

„Германија, која стои зад таа резолуција, иако технички не е оригинален коспонзор, е одговорна за најголемиот и најсуров геноцид во 20 век, а мислам на Втората светска војна“, рече Небензја.

Затоа, истакна тој, нема да биде изненаден доколку во одреден момент, доколку се усвои резолуцијата, некој, можеби Русија, излезе со резолуција за геноцидот од нацистичка Германија врз народот на Советскиот Сојуз за време на Втората светска војна. .

„Србија има слични проблеми, бидејќи има прашање за геноцид во Првата и Втората светска војна“, рече Небензја.