ОВА СЕ ЗНАЦИ ДЕКА ЧОВЕКОТ УМИРА Лекарите објаснуваат како телото минува низ последните денови и часови од животот
Поспаност и замор
Експертите тврдат дека луѓето кои ги минуваат последните денови од животот обично имаат значително пониско ниво на енергија од вообичаеното. Тие често поминуваат повеќе време на спиење и може да се онесвестат и да се освестат . Исто така, лицата кои умираат губат интерес за активности кои претходно им давале задоволство. Покрај тоа, на овие луѓе веројатно им е потребна помош во основните активности, како што се одење во тоалет и миење.
Недостаток на желба за јадење и пиење
Како што се приближува крајот, дигестивниот систем и бубрезите почнуваат да откажуваат , што го отежнува внесувањето храна и пијалоци. Некои луѓе стануваат премногу поспани или слаби за да голтаат, па јадењето и пиењето стануваат помалку важни активности. Лекарите советуваат доколку вашата сакана одбие храна или пијалок, не паничете и задолжително консултирајте се со експерти за можните алтернативи. Ако пациентот не може да пие вода, се препорачува да се навлажни усните за да се избегне сувост.
Промени во дишењето
Значајните промени во ритамот на дишење често ги придружуваат последните часови од животот . Вообичаено е да има периоди на плитко дишење, наизменично со подлабоко и побрзо дишење. Според лекарите, овој тип на длабоко дишење често може да биде проследен со кратки паузи пред повторно да започне дишењето. Исто така, дишењето може да стане побучно , што е последица на акумулација на слуз во белите дробови.
Конфузија и халуцинации
Лековите кои се користат на крајот на животот може да предизвикаат хемиски дисбаланс во мозокот , што понекогаш доведува до конфузија и халуцинации. Овие моменти може да бидат вознемирувачки за семејството и старателите, но медицинските тимови можат да помогнат да се идентификуваат и третираат основните причини, како што се болка, проблеми со дишењето или инфекција. Ако причината не може да се идентификува, постојат лекови кои можат да ги ублажат овие симптоми и да ја смират личноста.
Ладни раце и нозе
Намалената циркулација во последните фази од животот може да предизвика ладење на рацете и нозете , што е нормален дел од процесот на умирање. Луѓето со посветла кожа може да доживеат блага синкава нијанса на кожата, а понекогаш рацете или другите делови од телото може малку да отечат.