РУСКО беспилотно летало се урна ВО ЛЕТВИЈА Уште една земја на НАТО во паника поради Русија: „Мораме да се справиме со Путин“

-Истрагата е во тек. Во близок контакт сме со нашите сојузници – напиша Ринкевичс на платформата Икс (Твитер).

Како што истакна, бројот на вакви инциденти се зголемува на источното крило на НАТО и „мора колективно да се справиме со нив“.

Романското Министерство за надворешни работи протестираше претходно денеска, како што рече, повреда на воздушниот простор на земјата од руско беспилотно летало синоќа.

Како што соопшти романското Министерство за надворешни работи, тоа министерство изрази „силен протест против уште едно нарушување на воздушниот простор“ што можеше да се случи за време на нападот на руски беспилотни летала врз Украина , објави „Европска Правда“.

Романското Министерство за надворешни работи соопшти дека за инцидентот ги информирало сојузниците и структурите на НАТО и дека е во контакт со нив.

Романското Министерство за одбрана претходно потврди дека подигнало борбени авиони Ф-16 поради нарушување на воздушниот простор, а исто така трага по остатоци од беспилотно летало што можело да падне на територијата на земјата.