Наместо капки, по грешка си истурила лепак во окото: Чувствував дека гори, тоа беше најдолгиот пат до болницата
Жителка на Флорида завршила во болница откако направила бизарна грешка и наместо капки за очи си истурила лепак за нокти во десното око.
Брајана Шипли се разбудила во текот на ноќта и посегнала по погрешно шише, а неколку секунди подоцна врескала од болка.
„Почувствував дека гори и почнав хистерично да врескам. Му реков на телефонот да повика брза помош и му се јавив на мојот 17-годишен син“, рече таа. Таа отиде во тоалет и го исплакна окото со вода, но тоа не помогна. Таа набрзо завршила во болница, пишува Daily Mail.
Направена е интервенции, пуштена е дома, а три дена по инцидентот, видот и понатаму е „заматен“. Се надева дека наскоро се ќе биде нормално.
Брајана ја опиша својата драма на TikTok, а многу корисници открија дека направиле слични грешки.
„Грешката ја сфатив додека капката падна на око, но веќе беше доцна. Посегнав по погрешно шише во мракот. Во првите 10 минути бев во неверојатна паника, не знаев што ќе се случи. Тоа беше најдолгото и најболното возење до болница во мојот живот“, рече таа.
Лекарите морале да вметнат стерилна „Морган леќа“, медицински уред кој континуирано го чисти окото со вода за да ги отстрани хемикалиите или туѓите предмети.