Пред неколку дена сите беа изненадени од веста дека Лепа Брена го скршила скочниот зглоб на концерт во Загреб , кога снимателот паднал врз неа и и нанел сериозни повреди и скршеница на ногата.

Сепак, музичката ѕвезда херојски го одржа концертот до крај , а потоа беше префрлена во болница каде и беше оперирана.

Останатите два концерта кои беа закажани во Загреб, за 10 и 16 декември, беа преместени за 21 и 22 март , а турнејата беше паузирана. Сепак, Брена сега им ја соопшти добрата вест на своите фанови.

Како што претходно беше најавено, Брена на новогодишната ноќ ќе настапи во Сава Центар . Многумина мислеа дека настапот е откажан поради повредата, но Брена сепак реши да го одржи.