РУСИТЕ ПОГОДИЈА ШЕСТ ДИПЛОМАТСКИ ПРЕТСТАВНИШТВА ВО НАПАДОТ НА КИЕВ: Нападнати Црна Гора, Албанија и Македонија
Меѓу земјите чии дипломатски претставништва се наоѓаат „во истата зграда“ што беше погодена од експлозијата се Аргентина, Албанија и Црна Гора.
Лисабон најостро ги осуди руските напади насочени кон главниот град на Украина, откако беше објавено дека биле оштетени неколку дипломатски претставништва во истата зграда, вклучително и оние на Португалија, Аргентина, Албанија и Црна Гора.
Во отсуство на рускиот амбасадор во Лисабон, вршителот на должноста на Руската Федерација беше поканет на разговор и му беше врачен официјален протест, соопшти португалската влада.
– Имаше многу интензивен напад на Руската Федерација врз градот Киев, а една од експлозиите предизвика релативно мала материјална штета на дипломатските објекти на неколку земји, вклучително и на канцеларијата на португалската амбасада – изјави португалскиот министер за надворешни работи Пауло Рангел.
Меѓу земјите чии дипломатски претставништва се наоѓаат „во истата зграда“ што беше погодена од експлозијата, тој ги спомена Аргентина, Албанија и Црна Гора.
– Апсолутно е неприфатливо нападите да оштетат или да ги таргетираат дипломатските објекти – додаде тој.