Трамп на социјалната мрежа Вистина напиша дека заклучил дека Зеленски „не е подготвен за мир доколку Америка е вклучена, бидејќи верува дека нашето присуство му дава голема предност во преговорите“.

„Не сакам предност, сакам мир“, напиша Трамп.

Тој потоа го обвини Зеленски дека „покажува непочитување кон Соединетите Американски Држави во нивната ценета Овална канцеларија“.

„Тој може да се врати кога ќе биде подготвен за мир“, заклучи Трамп.

„Автомобилот на Зеленски возеше до Белата куќа. Вратата низ која гостите влегуваат во Овалната соба е отворена, а теренецот на Зеленски е паркиран надвор, обвиен со украински знамиња. Зеленски си заминува предвреме, изјави портпаролот на Белата куќа, пренесе Ројтерс. 

Состанокот меѓу Трамп и Зеленски го промени тонот и стана многу помалку дипломатски кога американскиот потпретседател Џеј-Ди Венс му рече на Зеленски дека Украина нема доволно мажи да ја продолжи борбата. 

Украинскиот претседател одговори дека Џеј-Ди Венс не е во Украина за да го каже тоа, додавајќи „дојди и види“.

Работите се вжештија уште повеќе од овој момент.

Зеленски ја истакна потребата од безбедносни гаранции, на кои Киев постојано инсистираше.

Трамп го прекина Зеленски и му рече да „биди благодарен“ за она што САД веќе го направија за да и помогнат на Украина.

„Треба да бидете повеќе благодарни. Немате билети. Имате билети со нас. Но без нас немате билети“, рече Трамп.

„Вашата земја е во длабока неволја“, продолжи американскиот претседател, додавајќи дека „не победувате“.

Курир.рс/Гардијан/Ројтерс